أخبار فنيةمميز

نادين نجيم: نجاحي نتيجة تعبي وليس بسبب السوريين

بالتزامن مع استعداها لبطولة مسلسلها الجديد “#صالون_زيزي” (إخراج جو بوعيد)، ردت الفنانة اللبنانية #نادين_نجيم على من ينسبون نجاحها إلى مقومات لا تتعلق بموهبتها ومجهودها الشخصي، ونشرت عبر حسابها على إنستغرام:
“متل العادة كل ما بيكون عندي عمل جديد بسمع هون وهون نفس الأسطوانة: لو ما جماعتنا ولو ما فلان ولو ما السوريين” وتابعت “على أساس أنا اللبنانية الوحيدة يلي اشتغلت مع جماعتكم! كتار اشتغلوا بس الفرق إنه مش الكل حصد نفس النجاح لأنه بكل بساطة تعبي وجهدي خلال هل السنين وموهبتي هني من صنع ربي ونعمة من ربي وطموحي وإصراري على النجاح بيرجع لمجهود شخصي”.

وأكملت: “وهيدي المهنة بتساع الكل وما بكمّل غير القوي وما بينجح غير الشاطر وشكراً على كل حال لكل حدا مرء بحياتي لأنه النجاح بده دعم وبده فريق وبده شركة محترمة وبده كمان شريك ناجح بفتخر بكل انسان اشتغلت معه من أصغرهم لأكبرهم ومن فنيين ومن فنانين، مضيفةً “مع الأسف بعد في ناس بتفكر أنه في حدا بالغصب بيقدر يصنع نجاح حدا إذا ما كان بيستاهل، ولو كانت الحياة بهل السهولة كانت كل الناس نجحت بكافة المجالات!”.

وختمت كلامها: “الفرص بتجي للكل وحده الشاطر الذكي يلي بيقدر يترك بصمة خاصة ونجاح مستمر والحمد لله على كل شيء أتمنى يكون كلامي نقطة تنهي هل جدل المستمر يلي ما له أي طعمة غير يخلق حساسيات ومشاكل بين الناس”.

اظهر المزيد

مقالات ذات صلة

إغلاق